Stiúrthóir Fiontraíochta, Fostaíochta agus Maoine

Job Reference: FRS47625

Job Duration:

Start date: ASAP

Description:

Post Buan

Stiúrthóir Fiontraíochta, Fostaíochta agus Maoine

TáÚdarás na Gaeltachta freagrach as forbairt teanga, cultúir, sóisialta agus eacnamaíochta na Gaeltachta a chur chun cinn. Is é misean an Údaráis pobal agus geilleagar fuinniúil, rathúil, inbhuanaithe Gaeltachta a fhorbairt agus ar an mbealach sin úsáid naGaeilge mar phríomhtheanga phobal na Gaeltachta a chothú, a neartú agus a bhuanú. Tá Ardoifig Údarás na Gaeltachta lonnaithe snaForbacha, Co. na Gaillimhe agus tá oifigí réigiúnacha i gCorcaigh, Ciarraí, Dún na nGall agus i Maigh Eo. Is í an Ghaeilge teanga oibre na heagraíochta.



Beidh an té a cheapfar freagrach don Phríomhfheidhmeannach agus déanfaidh sé/sí polasaithe agus straitéisí forbartha fiontraíochta a chur i bhfeidhm. Beidh cruthú fostaíochta sna ceantair Ghaeltachta faoi chúram an Stiúrthóra Fiontraíochta, Fostaíochta agus Maoine agus beidh sé/sí freagrach as infheistíocht a mhealladh mar aon leis na comhlachtaí atá ann cheanna a chur chun cinn agus a spreagadh chun cúrsaí fostaíochta agus nuálaíochta a mhéadú iontu. Beidh an té a cheapfarfreagrach chomh maith as stiúradh punann shuntasach maoin tráchtála do réimse d'earnálacha bunaithe ar acmhainní nádúrtha atá ábhartha do na réigiúin Gaeltachta a fhorbairt.



Maidir leis an iarrthóir a n-éireoidh leis nó léi:

Taifead cruthaithegnóthachtála ag leibhéal sinsearach. Na scileanna ceannasaíochta agus bainistíochta riachtanacha a léiriú agus acmhainneacht aran smaointeoireacht straitéiseach.

Cumas cruthaithe ag leibhéal ardbhainistíochta go bhfuil sé/sí ábalta cuspóirí straitéiseacha a aithint agus a chur i bhfeidhm d'fhonn a chinntiú go bhfuil an úsáid is éifeachtachtaí á baint as acmhainní eagraíochtúlachun feabhas ar thorthaí straitéiseacha a bhaint amach.

Taithí ag leibhéal na hardbhainistíochta i dtimpeallacht tráchtála /forbraíochta nó in earnáil dá sórt.

Tuiscint ghrinn ar staid shochtheangeolaíoch na Gaeltachta agus ar staid na Gaeilge ar bhonn náisiúnta.

Taithí chruthaithe ag leibhéal sinsearach bainistíochta ar fhorbairt eacnamaíochta, cruthú post, forbairt pobail agus cur chun cinn na Gaeilge.

Tuiscint chuimsitheach ar an nGaeilge agus ardleibhéal inniúlachta i labhairt agus i scríobhna Gaeilge.

Eolas domhain ar ghníomhaireachtaí san earnáil phoiblí agus ar ghníomhaireachtaí Stáit.

Saineolas ar an bpleanáil straitéiseach agus ar fhorbairt beartas mar aon le saineolas ar an gcur chun feidhme agus ar an bhfeidhmíocht a thomhas.Scoth na scileanna bainistíochta foirne, eagraíochta agus ceannaireachta chomh maith le cumas straitéiseach agus anailíseach.Tuiscint acu ar na dúshláin atá roimh an nGaeilge agus roimh an nGaeltacht tríd is tríd.



Is post lánaimseartha buan éseo. Tá scála tuarastail ag grád Príomhoifigeach idir €98,593 - €121,586 ag dul leis an bpost seo. Beidh an té a cheapfar lonnaithe in Ardoifig an Údaráis sna Forbacha i nGaillimh.



Beidh ar iarrthóirí foirm iarratais ar-líne a líonadhagus CV cuimsitheach móide litir chumhdaigh ghearr a chur léi.

Is féidir Leabhrán Faisnéise agus Foirm Iarratais a fháil aghttps://info.frsrecruitment.com/udaras-na-gaeltachta



Chun plé rúnda a bheith agat, déan teagmháil le Bernadette Sisson ag +353 86 4660041 nó seol rphost chuig bea(ag)frsrecruitment.com



Glacfar le hiarratais go dtí 4 i.n., 11 Márta 2022.Is fostóir comhionannas é Údarás na Gaeltachta agus is í an Ghaeilge teanga oibre na heagraíochta.

Industry: Public Sector and Government

Salary: €98593 - €121586 per annum

Salary Benefits:

Vacancy Type: Permanent

Job Skills: Gaeilge, Stiúrthóir,

Contact Name: Bernadette Sisson

Website: -

Direct Application URL: -